Kata kinanthi yang berasal dari kanthi diberi sisipan ini, menjadi kinanthi, artinya : dikanthi, digandheng, disertai, ditemani.
Tembang kinanthi sifatnya: mengandung makna pengharapan gandrung. Bermakna membawa atau menyertai dan diciptakan oleh Sultan Adi Erucakra. Gunanya: mengungkapkan rasa susah karena cintaAdapun guru lagu dan guru wilangannya adalah sebagai berikut:
Kang titis panabuhipun
Ririh arampak weradin
Rebabnya nyendari ngangkang
Pamathete dhemes wasis
Ngaleler nges wiletira
Lakune gangsa lestari.
Kendhang teteh anarunthung
Swaranya salin sumalin
Jejeg ajeg wiramanya
Gender gumreneng gumrining
Nyupak aumruwung bumbungnya
Gambang lebak mbanyu mili.
Kempul pindha gemak melung
Dumeling pangliking suling
Tetep panutuping raras
Lir kedhasih ngasih-asih
Gender panerus pinjalan
Amemba tirta naritis.
Saron barang pancer barung
Garempung umyung ngempyung
Cethane lamun priyangga
Cinaruk-caruk kumrincing
Demung dumunung wirama
Mangungkung cengkok ngugeri.
Gong suwukan sru ambaung
Salenthem ulem ngalebi
Bonang geng dadya manggala
Ngracik sarwi nuntun gendhing
Bonang panerus lir imbal
Kumrecek swara nikeli.
Anggrung swaraning panembung
Kang dadya bebahuning gendhing
Kenong golong gegolongan
Gambang gangsa cumarengkling
Kemaruk ngenaki nala
Lir walang angkup ngalebi.
Gong jumeglug mandul-mandul
Dangu dennya ngumbak warih
Kethuk mathuk ing thuthukan
Kecer ngecer mawor gendhing
Ketipung nuntun wirama
Kempyang munya swara mencil.
Pesindhen estri swararum
Cengkok mulat mangulatsih
Ceples larasing pradangga
Senggak sigrak ganti-ganti
Gerong ririh swara rampak
Keplok kinarya ngrameni.
(Sumarsono, 2014 : 53)
2. Kinanthi Esuk Mendhung
Esuk mendhung sore mendung
udane tanpa sarenti
mapan lagi nggarap sawah
wayah anggaru ngleleri
wisan gawe sapi sayah
awan dingon pinggir sabin.
Durung tutug nggone nyenggut
kaselak udane prapti
giniring mulih sakala
tujune wis sugih dami
katumpuk cedhak ing kandang
nora samar sapi ngelih.
Si Lasman kesed kalangkung
bubar panen wegah ngarit
saiki tandone bebas
udan deres angon sapi
ora wareg tur kodanan
ora wurung dadi gering.
Wong kesed kepepet
Wong pinter keblinger
Wong goroh growah
3. Kinanthi Gulangen ing Kalbu
Pada gulangen ing kalbu,
ing sasmita amrih lantip,
aja pijer mangan nendra,
kaprawiran den-kaesthi,
pesunen sariranira sudanen nadhah lan guling.
Dadiya lakunireku,
cegah dhahar lawan guling,
lan aja kasukan-sukan,
anganggowa sawatawis,
nora wurung ngajak-ajak,
atemahan ing batin.
Yen wis tinitah wong agung,
aja sira ngugung diri,
ywa paliket lan wong ala,
kang ala lakunireki,
nora wurung ngajak-ajak atemahan nenulari.
Nadyan asor wijilipun,
yen kalakuwane becik,
utawa sugih carita,
carita kang dadi misil,
iku pantes raketana,
derapon mindhak kang budi.
Tafsir dan makna ajarannya :
Berakit-rakit ke hulu, berenang-renang ke tepian, bersakit-sakit dahulu bersenang-senang kemudian. Nasihat ini perlu dicamkan oleh setiap orang. Jangan sampai congkak setelah jadi orang besar. Harus ingat asal usul.
4. Kinanthi Kethek
La si Paing kethek iku,
Esuk-esuk wis metangkring,
Ana ing gawanging lawang,
Nanggo klambi bolong mburi,
Kanggo dalan buntutira,
Noleh kambi ngiwi-iwi.
Tafsir dan makna ajarannya :
Sindiran buat orang malas bekerja. Pagi sore siang malam menjadi beban orang. Tingkah laku yang tak perlu ditiru. Maka harus rajin bekerja. Hemat pangkal kaya, rajin pangkal pandai.
5. Kinanthi Manut Mituhu Asih
Lawan malih wulang ingsun
Margane wong kanggep nglaki
Dudu guna japa mantra
Pelet dhuyung sarat desti
Dumunung ing patrapira
Kadi kawinahya iki.
Wong wadon kalamun manut
Yekti rinemenan nglaki
Piturut margane welas
Mituhu marganing asih
Mantep marganireng tresna
Yen temen den andel nglaki.
(Mangkunegara IV, Serat Darma Wasita)
6. Kinanthi Mbikak Sekolahan
Kapi adreng amba ngidung
kidung santi pudyastuti
mugi-mugi widadaa
pawiyatan dasar nagri
lepata ing sambehala
malah antuka lestari.
Sru gembira manah ulun
de kelampahan samangkin
karsaning njeng pamarentah
pawiyatan dasar ngriki
binuka kanthi pahargyan
kathah kang sami ngestreni.
Prasetyamba jroning kalbu
sakawasa nedya ngudi
kemajenganing pawyatan
njangka ajuning nagari
mugi dadya ing parasdya
sedyamba nggrayuh utami.
7. Kinanthi Mideringrat
Midering rat angelangut
Lelana njajah negari
Mubeng tepining samodra
Sumengka hanggraning wukir
Hanelasak wanawasa
Tumuruning jurang trebis.
Sayekti kalamun suwung
Tangeh miriba kang warni
Lan sira pepujaning wang
Manawa dhasaring bumi
Miwah luhuring akasa
Tuwin jroning jalanidi.
Iku ta sapa kang weruh
Nanging kiraning tyas mami
Sanadyan ing tri bawana
Anaa kang madha warni
Maksih sumeh semu sira
Lurus larase respati.
Myang dedeg pangadegipun
Sedheng sedhet amantesi
Sembada genging sarira
Lelewane milangoni
Wiraga raga karana
Murweng dyah Hyang Hyanging bumi.
Manis gapyak lukita rum
Dhemes luwes merak ati
Susila tyase ngumala
Solahe nyudarawerti
Juwawut geng kang salaga
Pari-kudu sun ngengeri.
Kadereng kudu andarung
Kumedah dadia abdi
Nira sang kalengkaning dyah
Kang mardu martameng dasih
Asih mring kula wiyoga
Yogane kang ngusadani.
(Serat Manuhara, Mangkunegara IV)
Tafsir dan makna ajarannya :
Serat Manuhara melukiskan cinta sejati pada kekasihnya. Seolah-olah dunia seisinya tak ada yang menyamai. Lukisan yang begitu indah dan estetis. Kerap dikutip oleh pengrawit dan pesinden. Pilihan kata, diksi dan estetika memang menyentuh rasa.
8. Kinanthi Mirah Ingsun
Punapa ta mirah ingsun
Prihatin waspa gung mijil
Tuhu dahat tanpa karya
Sengkang rinemekan gusti
Gelung rinusak sekarnya
Sumawur gambir melathi.
Upama tyase mangun kung
Mulat ing sira dyah ari
Sayekti melu mangarang
Telasing riris gumanti
Ingkang taranggana sumyar
Remeng dening salah kapti.
Marwanta mangrurah gelung
Lintange merang ningali
Mring langening kiswantara
Miwah kidang-kirang isin
Miyarsa ing swaranira
Si kidang umpetan tebih.
Tuwin kombang-kombang gung kung
Miyarsa swaranta yayi
Kadi merange si kidang
Anampa liringireki
Mangkana susahing kombang
Malah tyasira lir kanin.
Abot kabotan ing gadhung
Wekasan mungkret amuntir
Mulat anggenira seduwa
Malah molah cengkir gadhing
Kang tiba mring kerakalan
Umpetan mring jurang trebis.
Merang mulat ing prembayun
Pelayune cengkir gadhing
Mendah mulata sadaya
Mung tepine kang pinidih
Kengser dening kasemekan
Merange si cengkir gadhing.
(Serat Bratayuda, R. Ng. Yasadipura I)
9. Kinanthi Panglipur Wuyung
Kinanthi panglipur wuyung
rerenggane prawan sunthi
durung pasah doyan nginang
tapih pinjung nging mantesi
mendah baya yen diwasa
bumi langit gonjang ganjing.
Lelewane gawe gandrung
kincange alis weh brangti
ulat galak nggugah brangta
liringe angasmarani
wiraga maweh wigena
ngujiwate milangoni.
10. Kinanthi Panjang Yuswa
Pinanjangna umuripun,
Tinebihna ing sesakit,
Kalisa ing sambikala,
Aywana kang ngriribedi,
Tinunggua kasarasan,
Kasenengan ing salami.
Tafsir dan makna ajarannya :
Ucapan selamat ulang tahun, semoga sehat dan murah rejeki. Tidak ada aral melintang dan selalu mendapat keselamatan. Bahagia selama-lamanya.
11. Kinanthi Perpisahan
Sugeng rawuh matur nuwun
pra sadherek kakung putri
rene samya kasdu kerta
mbucal wekdal angrawuhi
pepanggihan perpisahan
pepamitan para murid.
Mahyakken raosing kalbu
raos bingah tuntung sedhih
sedhih pan arsa tinilar
kadang tunggil saasrami
mung apura ing apura
mrih tentrem sajroning ati
Marang ingkang samya lulus
klebet ing ujian akhir
sun asung pamudyas tawa
widada dadi pamardi
murid pamulangan Dasar
yekti pakaryan utami.
12. Kinanthi Sarana Luhung
Saranane wong yen luhung
Betah tapa kurang guling
Elinga solah jatmika
Yen wacana kudu manis
Murih sengseme sasama
Sama-samaning dumadi.
Murih narima ing kalbu
Budine kang den bawani
Wenganing tyas sukarila
Badane kabawah sami
Sabiyantu nut sakarsa
Tan rekasa kang pinardi.
Tafsir dan makna ajarannya :
Untuk menuju keluhuran sebaiknya mengurangi nafsu hedonisme. Kurangi sifat tamak, serakah, angkara murka. Lebih baik meningkatkan kualitas diri.
13. Kinanthi Sedya Utami
Ywa kongsi ginggang sarambut
Ciptaning driya utami
Sakathing sambekala
Kang tumanduk nyulayani
Dadi boreh ingkang sedya
Wuwuhe nugraheng Gusti
Kalamun darbe panggayuh
Elinga purbaning Widhi
Kanthiya sabar santosa
Aywa katungkul ing pamrih
Mundhak andedawa lampah
Paran sedyanira yekti.
Tafsir dan makna ajarannya :
Cita-cita diwujudkan dengan kerja keras, tlaten, usaha benar. Jangan putus asa. Harapan pada masa depan masih cerah. Masih ada esok.
14. Kinanthi Serat Rama
Nalikane rohing dalu
Wong agung mangsah semedi
Sirep kang bala wanara
Sedaya wus sami guling
Nadyan ari sudarsana
Wus dangu nggenira guling
Kukusing dupa kumelun
Ngeningken tyas sang apekik
Kang kawengku sagung jajahan
Nanging sanget angikibi
Sang Resi Kanekaputra
Kang anjok saking wiyati
Teka ndadak melu-melu
Kaya budine wong ceplik
Lali lamun kalokengrat
Tri bawana amurwani
Mustikaning jagad raya
Dhemen lalen sangga runggi
Tafsir dan makna ajarannya:
Tengah malam yang hening sunyi cocok untuk semedi. Mengheningkan cipta dengan ngobong dupa membuat pikiran tenang. Segala permohonan pada Tuhan terkabul.
15. Kinanthi Silaturahmi
Ing ari menika nuju
amengeti Hariadi
ing tanggal sapisan Sawal
taunira hijrah kaping
sewu sangang atus sapta
resi sirna trus manunggil.
Sasampunira manungku
Nglampahi siyam sesasi
Nutupi babahan sanga
Mekak napsunireng dhiri
Meleng manunggaling cipta
Mligi nut karsaning Gusti.
Babaring satapanipun
Nyarengi dina Riadi
Asuka syukur ing Allah
Putus ujian Ilahi
Mugi amurakabana
Ing umat Islam sesami.
16. Kinanthi Surya Candra
Surya candra lawan daru,
Myang kartika iku sami,
Gung kaliwat padangira,
Datan ana kang madani,
Nanging isih kalah padang,
Yen katandhing ninging ati.
Tafsir dan makna ajarannya :
Hubungan yang tulus antara suami dan istri dilukiskan dalam bentuk tembang kinanthi ketawang ganda mastuti. Lagu ini cocok buat acuan para pengantin, supaya renteng reruntungan, guyub rukun, bersatu padu.
Srepeg
Saron imbal ganti-ganti kendange ngaplak
Nuntun wirama jejek ajek wiramane
Bonang nglunyu amantesi
Kenong titis tuduh margi
Kempule ngungkung umyung
Yekti tan amboseni.
Demung dumunung wirama
Slentheme marem nem ngelebi
Gambang mblebek mbanyu mili
Rebab ngangkang angresepi
Gender gumarenggeng gumrining
Geronge rampak sigrak
Yekti amimbuhi.
17. Kinanthi Trah Joyo Suwarso - Muhtarom
Kumpule trah guyub rukun
Dina becik Idul Fitri
Bani Muhtarom sedaya
Joyo Suwarso puniki
Ing tekad padha manunggal
Rakete silaturahmi
Susukan papan ing dhusun
Nyatane pancen ngangeni
Akeh sawah lan tanduran
Banyu mili seger bening
Hawa adhem sarwa penak
Ayem tentrem jroning ati
Wetane gunung Merbabu
Gedhang tela jagung pari
Ijo royo-royo endah
Ana gumuk alas kali
Ing kabupaten Semarang
Susukan sangsaya asri
Kumricik ing Kali Jambu
Welut lele wader sili
Kanggo lawuh enak eca
Ayam bebek kebo sapi
Esuk sore ing tegalan
Bareng lan ocehing peksi.
Aneng gumuk Jaga Satru
Sarta gumuk Ganda Suli
Sarana suka wisata
Saking kutha bali mudik
Wektu liburan lebaran
Badan sehat waras wiris.
(Sabtu Kliwon, 9 Juli 2016)
18. Kinanthi Tukang Kayu
Bapak dadi tukang kayu,
Masah mecel natah nggraji,
Pirantine rupa-rupa,
Ana kang gede lan cilik,
Keprungu sedina-dina
Tok-tok, sreg-sreg, bola-bali.
Kabeh pirantine mau,
Winadhahan kotak cilik,
Petel pasah lawan tatah,
Yen kethul ingasah nulia,
Grajine ora diasah.
Mung dikikir ngati-ati,
Unceg paedahe iku,
Piranti kanggo mbolongi,
Yen ngukur nganggo meteran,
Linempit kena disaki,
Gawehane rupa-rupa:
Meja kursi lan lemari
Tafsir dan makna ajarannya :
Kesibukan tukang kayu yang sedang bekerja membuat kursi, meja, lemari, dhingklik dan perabot rumah tangga.
Telah tersedia tatah, gergaji, kikir, pasah. Semua diwadahi kotak. Ketelitian bekerja beserta profesionalisme seperti makna tembang kinanthi.
Oleh Dr Purwadi, M.Hum.
Ketua Lembaga Olah Kajian Nusantara LOKANTARA.
Hp. 087864404347
Tidak ada komentar:
Posting Komentar